शिखर इन्स्योरेन्सको ‘डिजिटल फड्को’

काठमाडौँ/ नेपालको निर्जीवन बीमा क्षेत्र डिजिटल फड्को मारिरहेको छ । अहिले विमा लेख तथा प्रिमियम तिर्ने विषयमा एउटा एप्स क्लिक गरेको आधारमा सबै सेवा उपलब्ध हुन्छन् । किसानहरुले आफ्नो फार्मबाटै कृषि बिमाबारे बुझ्न र सहयोग पाउने भइसकेका छन् ।

मुलुकको अग्रणी स्थानमा रहेको शिखर इन्स्योरेन्स कम्पनी किसानहरुसँगको डिजिटल फड्कोमा अब्बल देखिन्छ । पछिल्ला वर्षहरूमा डिजिटल रूपान्तरणलाई आफ्नो दीर्घकालीन रणनीति समेत कम्पनीले बनाएको छ । कम्पनीले बीमा सेवालाई प्रविधिमैत्री, छिटो, पारदर्शी र ग्राहकमुखी बनाउनका लागि डिजिटल रूपान्तरणलाई प्राथमिकता दिएको हो ।