भकिम्लीका कृषकलाई घरदैलोमै पशु उपचार सेवा

म्याग्दीको बेनी नगरपालिका–३, भकिम्लीमा पशुपालन गर्ने कृषकका घरदैलोमै पुगेर निःशुल्क पशु स्वास्थ्य तथा बाँझोपन निवारण शिविर सञ्चालन गरिएको छ । शिविरमा ७७ जना कृषकका करिब तीन हजार पाँच सय पशुपन्छीको स्वास्थ्य परीक्षण, उपचार तथा औषधी वितरण गरिएको हो ।

आइतबार आयोजित शिविरमा ७७ जना कृषकका करिब तीन हजार पाँच सय पशुपन्छीका लागि औषधी वितरण गरिएको नगरपालिकाका सहायक पशु चिकित्सक प्रदीप गौतमले जानकारी दिनुभयो । उहाँका अनुसार शिविरमा गाई, भैँसी, बाख्रा, कुखुरा लगायतका पशुपन्छीको स्वास्थ्य परीक्षण, उपचार तथा औषधी वितरण गरिएको छ ।