किएभमा रुसको 'ठूलो' क्षेप्यास्त्र र ड्रोन हमला, धेरैको मृत्यु

रुसी सेनाले गत रात युक्रेनी राजधानी किएभमा गरेको ठूलो स्तरको ड्रोन तथा क्षेप्यास्त्र हमलाका कारण कम्तीमा २० जनाको ज्यान गएको अधिकारीहरूले बताएका छन्।

युक्रेनी राष्ट्रपति भोलोदिमिर जेलेन्स्कीले रुसले ठूलो हमलाको तयारी गरिरहेको भनेर सावधान गराएको केही घण्टापछि नै सहरभरीका भवनहरू हमलाका कारण थर्किरहँदा कतिपय बस्तीहरू खाली गराइएको थियो।