भारतीय सहयोगमा झापाको जन आदर्श माध्यमिक विद्यालयको नयाँ भवन निर्माण हुने

भारत सरकारको करिब ३ करोड रूपैयाँ आर्थिक सहयोगमा झापाको शिवसताक्षी नगरपालिका–६ स्थित जन आदर्श माध्यमिक विद्यालयको नयाँ भवन निर्माण हुने भएको छ ।

विद्यालय भवन निर्माणका लागि बिहीबार कोशी प्रदेशसभा सदस्य राधाकृष्ण खनाल, शिवसताक्षी नगरपालिकाका मेयर मेगाहाङ थोप्रा तथा काठमाडौंस्थित भारतीय राजदूतावासकी द्वितीय सचिव गरिमा नौटियालले संयुक्त रूपमा शिलान्यास गरेका हुन् ।