गोरखापत्र, सुरक्षण मुद्रण र विकास संरचना समितिमा को-को भए नियुक्त ?

काठमाडौं : सरकारले गोरखापत्र संस्थान, सुरक्षण मुद्रण केन्द्र र विशिष्ट संरचना सञ्चालन तथा व्यवस्थापन विकास समितिको रिक्त पदमा ३ जना नियुक्त गरेको छ।

गोरखापत्र संस्थानको महाप्रबन्धक पदमा कैलालीका हिक्मत बहादुर रावल, सुरक्षण मुद्रण केन्द्रको कार्यकारी निर्देशक पदमा मोरङ देवराज ढुङ्गाना र विशिष्ट संरचना सञ्चालन तथा व्यवस्थापन विकास समितिको रिक्त कार्यकारी निर्देशक पदमा धनकुटाका धर्मराज खड्का नियुक्त भएका हुन्।