‘नेसनल बेस्ट प्रिजेन्टेड एनुअल रिपोर्ट अवार्ड’ मा नेपाल लाइफलाई गोल्ड अवार्ड

काठमाडौँ । नेपाल लाइफ इन्स्योरेन्स कम्पनी लिमिटेडले 'नेसनल बेस्ट प्रिजेन्टेड एनुअल रिपोर्ट अवार्ड– २०२५' अन्तर्गत गोल्ड अवार्ड प्राप्त गरेको छ । आफ्नो स्थापनाको २५औँ वार्षिकोत्सव मनाइरहेको अवसरमा कम्पनीले यो ऐतिहासिक सफलता हासिल गरेको हो ।

नेपाल चार्टर्ड एकाउन्टेन्ट्स संस्था (आईक्यान) द्वारा असार १६ गते काठमाडौँमा आयोजित एक विशेष समारोहका बीच नेपाल लाइफका प्रमुख कार्यकारी अधिकृत प्रवीण रमण पराजुली र नायब प्रमुख कार्यकारी अधिकृत अमित कुमार कयालले संयुक्त रूपमा उक्त अवार्ड ग्रहण गरे ।