प्रहरीका ८ जना एआईजीको सरुवा, सीआईबीमा उमा चतुर्वेदी

काठमाडौँ । मन्त्रिपरिषद्ले प्रहरीका ८ जना अतिरिक्त महानिरीक्षक (एआईजी) हरुको सरुवा गरेको छ । बिहीबार बसेको मन्त्रिपरिषद्ले एआईजीहरुको सरुवाको निर्णय गरेको सरकारका प्रवक्ता शिक्षामन्त्री सस्मित पोखरेलले जानकारी दिए ।

मन्त्रिपरिषद्ले सीआईबीमा कार्यरत एआईजी डा. मनोज केसीलाई प्रहरी प्रधान कार्यालय स्थित अपराध अनुसन्धान विभागमा सरुवा गरेको छ । मन्त्रिपरिषद् स्रोतका अनुसार केन्द्रीय अनुसन्धान ब्युरो (सीआईबी)मा उमा प्रसाद चतुर्वेदीलाई पठाइएको छ । चतुर्वेदी कार्य विभागमा कार्यरत थिए ।