ह्वाट्सएपको ‘युजरनेम’ सुविधामा भारतको आपत्ति, ठगी जोखिम बढ्ने चिन्ता

काठमाडौं। मेटाले ल्याउन लागेको ह्वाट्सएपको नयाँ ‘प्रयोगकर्ता नाम’ (युजरनेम) सुविधाप्रति भारत सरकारले आपत्ति जनाएको छ। अनलाइन ठगी र नक्कली परिचय प्रयोगमार्फत साइबर अपराध बढ्न सक्ने चिन्ता व्यक्त गर्दै सरकारले उक्त सुविधा तत्काल लागू नगर्न मेटालाई आग्रह गरेको छ।

भारतको इलेक्ट्रोनिक्स तथा सूचना प्रविधि मन्त्रालयले मेटालाई पत्राचार गर्दै नयाँ सुविधाबारे आवश्यक परामर्श पूरा नभएसम्म सार्वजनिक नगर्न अनुरोध गरेको भारतीय सञ्चारमाध्यमहरूले जनाएका छन्।