राष्ट्रिय सभामा नौ मन्त्रालयको बजेटमाथिको छलफल सकियो

काठमाडौँ । राष्ट्रिय सभामा विनियोजन विधेयक, २०८३ अन्तर्गत नौवटा मन्त्रालयका विनियोजन शीर्षकमाथि समूहीकृत छलफल पूरा भएको छ।

बिहीबार बसेको सभाको बैठकमा युवा, श्रम तथा रोजगार; सूचना तथा सञ्चार; संस्कृति, पर्यटन तथा नागरिक उड्डयन; शिक्षा तथा खेलकुद; स्वास्थ्य तथा खाद्य स्वच्छता; भूमि व्यवस्था, सहकारी; सङ्घीय मामिला तथा सामान्य प्रशासन; महिला बालबालिका, लैङ्गिक तथा यौनिक अल्पसङ्ख्यक र सामाजिक सुरक्षा; विज्ञान, प्रविधि तथा नवप्रवर्तन र कानुन, न्याय तथा संसदीय मामिला मन्त्रालयसम्बन्धी विनियोजन शीर्षकमाथि सघन छलफल भएको हो।