‘उच्चस्तरीय सर्वदलीय संयन्त्र’ गठन गरिने

काठमाडौंं । विपद्‍बारे सरकारका काममा सहयोग र अनुगमन गर्न दीर्घकालीन समाधानका लागि ‘उच्चस्तरीय सर्वदलीय संयन्त्र’ गठन गरिने भएको छ । बिहीबार बसेको सर्वदलीय बैठकमा यो निर्णय भएको हो ।

‘विपद् व्यवस्थापन, पुनर्निर्माण र जोखिम न्यूनीकरणका कार्यहरूलाई अल्पकालीन राहत र प्रतिक्रियामा मात्र सीमित नराखी दिगो र दीर्घकालीन समाधान खोज्नु नितान्त आवश्यक छ,’ बैठकपछि जारी संयुक्त वक्तव्यमा भनिएको छ, ‘तसर्थ, विपद्पछिको पुनर्निर्माण, जलवायु अनुकूलन, राष्ट्रिय विपद् नीतिमा समयानुकूल सुधार र सरकारका कामकारबाहीलाई निरन्तर सल्लाह, सहयोग र अनुगमन गर्न ‘संसदीय समिति’ गठन गर्न हामी सहमत भएका छौँ ।’