‘अन्तर्राष्ट्रिय बजारमा मूल्य घट्दा पनि नेपालमा इन्धन सस्तो भएन, सरकारले उपभोक्तामाथि अन्याय गर्‍यो’

काठमाडौँ । नेपाली कम्युनिष्ट पार्टी (नेकपा) का सांसद घनश्याम रिजालले अन्तर्राष्ट्रिय बजारमा इन्धनको मूल्य उल्लेख्य रूपमा घटिरहेको भए पनि विभिन्न बहाना बनाएर नेपालमा मूल्य नघटाइएको भन्दै सरकारको आलोचना गरेका छन्। राष्ट्रिय सभाको शुक्रबारको बैठकमा बोल्दै सांसद रिजालले यस्तो आलोचना गरेका हुन्।

इन्धनको मूल्य बढ्दा औषधि, सार्वजनिक यातायात तथा दैनिक उपभोग्य वस्तु लगायत सबै क्षेत्रमा महँगी चुलिएको उनले बताए। बढ्दो महँगीका कारण आम नागरिकको दैनिक जीवन कष्टकर बनेको उनको भनाइ छ।