मकवानपुरगढीमा घरमा आगलागी, २५ लाख रुपैयाँ बराबरको क्षति

मकवानपुरको मकवानपुरगढी गाउँपालिका–४ ज्वालादेवीमा आगलागी हुँदा एक घर तथा भान्साकोठा पूर्ण रूपमा जलेर नष्ट भएको छ। आगलागीबाट करिब २५ लाख रुपैयाँ बराबरको क्षति भएको प्रहरीले जनाएको छ।

प्रहरीका अनुसार बुधबार राति करिब ११ बजे स्थानीय इन्द्रबहादुर कठायतको इँटा र काठले बनेको, जस्ताको छानो भएको दुई कोठे कच्ची घरसँगै रहेको भान्साकोठामा अचानक आगलागी भएको थियो। घटनाको खबर राति ११ः३० बजे प्राप्त भएपछि प्रहरी टोली घटनास्थलमा पुगेको थियो।