सांसद गजुरेलको प्रश्न– गुन्द्रुक झैं कोचिएर सार्वजनिक यातायातमा कहिलेसम्म यात्रा गर्ने ?

काठमाडौं । सांसद आशिष गजुरेलले सार्वजनिक यातायातलाई व्यवस्थित र सुरक्षित बनाउन माग गरेका छन् । हरेक दिन नेपालीको यात्राको ४० प्रतिशत हिस्सा सार्वजनिक यातायातमार्फत हुने गरेको भन्दै यसलाई व्यवस्थित बनाउन आवश्यक रहेको उनको भनाइ छ ।

“गुन्द्रुक जसरी कोचिएर सार्वजनिक यातायातमा कहिलेसम्म यात्रा गर्ने ? यो प्रश्नको सामना हामीले कहिलेसम्म गर्ने ?,” प्रतिनिधिसभाको आजको बैठकमा उनले प्रश्न गरे, “दैनिक ४० प्रतिशतभन्दा बढी हिस्सा नेपालीले सार्वजनिक यातायातमार्फत यात्रा गर्छन्, त्यसैले व्यवस्थिति सुरक्षित, भरपर्दो र आरामदायी बनाउन सरकारको ध्यानाकर्षण गर्दछु ।”