अब नेपाल टेलिकमका सिमकार्ड हुलाकमार्फत् घर घरमै!

नेपाल टेलिकमका सेवाग्राहीले अब सिमकार्डसहित दूरसञ्चार सेवासँग सम्बन्धित विभिन्न सामग्री घरमै प्राप्त गर्न सक्ने भएका छन्। यसका लागि नेपाल टेलिकम र हुलाक सेवा विभागबीच बिहीबार औपचारिक सम्झौता भएको छ।

नयाँ सम्झौताअनुसार आगामी साउन १ गतेदेखि हुलाक सेवा विभागले नेपाल टेलिकमका सिमकार्ड, चिठीपत्र, आवश्यक कागजात तथा दूरसञ्चार सेवामा प्रयोग हुने विभिन्न स्पेयर पार्ट्सलगायत सामग्रीको ढुवानी तथा वितरण गर्नेछ।