युक्रेन युद्धमा हताहतको संख्या २० लाख नाघ्यो

किभ । रुसले युक्रेनमाथि पूर्णस्तरको आक्रमण सुरु गरेको करिब साढे चार वर्षपछि युद्धमा दुवै पक्षका सैनिकको कुल क्षति २० लाख नाघेको एक नयाँ अध्ययनले दाबी गरेको छ ।

अध्ययनअनुसार युद्धमा रुसले मात्रै करिब ४ लाख ५० हजार सैनिक गुमाएको छ । सेन्टर फर स्ट्राटेजिक एन्ड इन्टरनेशनल स्टडिज (सीएसआईएस)ले सार्वजनिक गरेको अध्ययनमा रुसका १४ लाख सैनिक हताहत (मृत्यु, घाइते र बेपत्ता) भएको अनुमान गरिएको छ । यो संख्या रुसको कुल जनसंख्याको करिब १ प्रतिशत बराबर हो ।