अर्थतन्त्रमा आन्तरिक पर्यटनको योगदान २.६५ प्रतिशत, वार्षिक साढे चार खर्ब खर्च

काठमाडौँ । राष्ट्रिय तथ्याङ्क कार्यालयले नेपालको इतिहासमै पहिलो पटक राष्ट्रिय स्तरको विस्तृत ‘आन्तरिक पर्यटन सर्वेक्षण २०८१/८२’ सार्वजनिक गरेको छ। नेपालमा आन्तरिक पर्यटनको वास्तविक अवस्था, नागरिकको खर्च गर्ने ढाँचा र देशको अर्थतन्त्रमा यस क्षेत्रको योगदान मापन गर्ने उद्देश्यले यो सर्वेक्षण गरिएको हो। पर्यटन स्याटलाइट लेखाको अन्तर्राष्ट्रिय अवधारणामा आधारित यस सर्वेक्षणले आन्तरिक तथा बाह्य (आउटबाउन्ड) पर्यटनका विविध आयामहरूलाई समेटेको छ।

आधाभन्दा बढी घरपरिवार पर्यटनमा संलग्न