आज तीन ओटा संसदीय समितिको बैठक बस्दै

काठमाडौँ । सङ्घीय संसद्अन्तर्गत आज तीन ओटा संसदीय समितिका बैठकहरू बस्दै छन्। संसद् सचिवालयका अनुसार आज महिला तथा सामाजिक मामिला समिति, राज्य व्यवस्था तथा सुशासन समिति र सार्वजनिक लेखा समितिको बैठक बस्न लागेको हो।

बिहान ९ बजे बस्ने महिला तथा सामाजिक मामिला समितिको बैठकमा विभिन्न मन्त्रालयका सचिवहरूलाई छलफलका लागि बोलाइएको छ। बैठकमा महिला, बालबालिका, लैङ्गिक तथा यौनिक अल्पसङ्ख्यक र सामाजिक सुरक्षा मन्त्रालयका पदाधिकारीहरू, अर्थ मन्त्रालयका सचिव, महिला मन्त्रालयका सचिवका साथै भूमि, सहकारी, सङ्घीय मामिला तथा सामान्य प्रशासन मन्त्रालयका सचिवहरूसँग विषयगत छलफल हुनेछ।