अर्थतन्त्रको बाहिरी अनुहार चम्किलो, भित्री गतिविधि अझै कमजोर

काठमाडौं । नेपालको बाह्य क्षेत्रका अधिकांश सूचकहरू ऐतिहासिक रूपमा बलियो देखिएका छन् । रेमिट्यान्स आप्रवाह, विदेशी विनिमय सञ्चिति, शोधनान्तर स्थिति र चालु खातामा उल्लेख्य सुधार हुँदा अर्थतन्त्रको बाह्य आधार थप मजबुत बनेको छ । तर, विपरीत रूपमा आन्तरिक आर्थिक गतिविधि भने अपेक्षाकृत सुस्त देखिएको छ ।

बैंकिङ प्रणालीमा पर्याप्त तरलता हुँदा पनि कर्जाको माग कमजोर रहेको तथ्यले बजारमा आर्थिक चलायमानता अझै फर्किन नसकेको संकेत गरेको छ । रेमिट्यान्स ४१ प्रतिशतले बढेर कीर्तिमानी उचाइमा पुग्नुका साथै विदेशी मुद्रा सञ्चिति ३७ खर्ब नाघेर बाह्य अर्थतन्त्र ऐतिहासिक रूपमा बलियो बनेको छ ।