कपिलवस्तुमा एकैदिन ४२ वटा गाडीको कालो स्टिकर हटाइयो

नियम विपरीत गाडीमा लगाइएका कालो स्टिकर हटाउने अभियान कपिलवस्तुमा सुरु गरिएको छ। जिल्ला ट्राफिक प्रहरी कार्यालय कपिलवस्तुले जिल्लाभर यो अभियान सुरु गरेको हो। अभियान सुरु गरेको पहिलो दिनमै ४२ वटा गाडीका कालो स्टिकर हटाइएको ट्राफिक कार्यालयका प्रहरी निरीक्षक राजन ढकालले बताए।

जिल्लाका विभिन्न स्थानमा ट्राफिकले चेकजाँचलाई तीव्र बनाएको ढकालले बताए। उनका अनुसार कालो स्टिकर प्रयोग गरिएका सवारी साधनलाई नियन्त्रणमा लिएर स्टिकर हटाउने काम गरिएको हो। अभियानमा मातहतका ट्राफिक इकाइहरू पनि सहभागी थिए।