कांग्रेस नीति प्रतिष्ठानले गठन गर्यो १२ उपसमिति, भूमि व्यवस्थादेखि डिजिटल सुशासनसम्मका एजेन्डामा केन्द्रित हुने

नेपाली कांग्रेस केन्द्रीय नीति, अनुसन्धान तथा प्रशिक्षण प्रतिष्ठानले विभिन्न नीतिगत र समसामयिक विषयमा अध्ययन, संवाद तथा अवधारणा निर्माण गर्न १२ वटा उपसमिति गठन गरेको छ ।

पार्टी केन्द्रीय कार्यालय बीपी स्मृति भवनमा आइतबार बसेको प्रतिष्ठानको बैठकले भूमि व्यवस्था, विपद् व्यवस्थापन, मानसिक स्वास्थ्य, डिजिटल सुशासन, निर्वाचन प्रणाली सुधार, पूर्वाधार विकास, रोजगार, शिक्षा, जातीय विभेदविरुद्ध सचेतना लगायतका विषयमा उपसमिति गठन गर्ने निर्णय गरेको हो ।