७५ करोड डलरको एमसिसी परियोजना: धमाधम प्रसारण लाइन र सबस्टेसन निर्माण

अमेरिकी अनुदान सहायता कार्यक्रम मिलेनियम च्यालेन्ज कर्पोरेसन (एमसिसी) अन्तर्गत नेपालमा विद्युत् प्रसारण लाइन र उच्च क्षमताका सबस्टेसन निर्माणको काम तीव्र रूपमा अघि बढेका छन्।

नेपाल सरकार र अमेरिकाको संयुक्त लगानीमा सञ्चालित एमसिसी नेपाल कम्प्याक्टअन्तर्गत बुधबार नुवाकोटको रातमाटेमा दुई नयाँ सबस्टेसन तथा २९७ किलोमिटर लामो प्रसारण लाइन निर्माणको औपचारिक शुभारम्भ गरिएको छ। बुधबार शिलान्यास गरिएको २९७ किमि लामो प्रसारण लाइन सञ्जालमा लप्सीफेदी–रातमाटे–न्यु हेटौंडा प्रसारण लाइन खण्ड, रातमाटे–न्यु दमौली प्रसारण लाइन खण्ड र न्यु दमौली–न्यु बुटवल प्रसारण लाइन खण्ड रहेका छन्।