पश्चिम नवलपरासीमा धान रोपाइँ शुरू, मल र श्रमिकको भने अभाव

काठमाडौँ । पश्चिम नवलपरासीका किसानहरूले यस वर्षको धान रोपाइँ शुरू गरेका छन्। गण्डक नहरमा समयमै पानी उपलब्ध भएपछि नवलपरासीको रामग्राम नगरपालिकासहित सरावल र पाल्हीनन्दन गाउँपालिकाका किसानहरू यतिखेर खेतमा धान रोप्न व्यस्त भएका हुन्।

नहरको पानीका भरमा रोपाइँ गर्नुपर्ने बाध्यता रहेका कारण यस वर्ष पानी समयमै आएपछि किसानहरूले छिटो नै रोपाइँ थालेका हुन्। यद्यपि, धानखेतीका लागि आवश्यक रासायनिक मल र खेतीपातीका समयमा काम गर्ने जनशक्ति (श्रमिक) को अभावले भने किसानहरूलाई पिरोलिरहेको छ।