अर्जेन्टिनाको फ्यान डा सरोजः जसले फुटबल खेलेर मेडल जितेका थिए

वीर अस्पतालका रेडियोलोजिस्ट डा. सरोज शर्माको रुचि बाल्यकालदेखि नै फुटबल र भलिबलमा छ। बाल्यकालमा घरगाउँमा मोजाको बल बनाएर खेल्ने गरेका थिए। ठूलो हुँदै गएपछि खेलप्रतिको रुचि देखेर उनलाई अभिभावकले फुटबल नै किनिदिन्थे। उनले बाल्यकालमा फुटबल खेलेर थुप्रै बलहरू पुराना बनाएका छन्।

उनले ५/७ कक्षादेखि स्कुलमा हुने प्रतियोगितादेखि अन्तरविद्यालय फुटबल तथा भलिबल प्रतियोगितामा सहभागिता जनाउँथे। अस्कल कलेजमा आईएससी पढ्दा कीर्तिपुर ग्राउन्डमा समेत फुटबल प्रतियोगितामा सहभागी भएको उनको अनुभव छ। त्यतिबेलाको मेडल पनि उनीसँग छ।