असई थमन विक हत्या प्रकरणमा दोषी ठहर भएका पूर्वसांसद महतो पक्राउ

सशस्त्र प्रहरीका असई थमन विक हत्या प्रकरणमा उच्च अदालतबाट दोषी ठहर भएका नेकपा (एमाले)का पूर्वसांसद लक्ष्मी महतो कोइरी पक्राउ परेका छन् ।

जिल्ला प्रहरी कार्यालय महोत्तरीका प्रवक्ता तथा प्रहरी नायब उपरीक्षक पञ्चलाल गोलेको नेतृत्वमा खटिएको प्रहरी टोलीले बिहीबार साँझ गौशाला नगरपालिका– ५ स्थित एमालेको पार्टी कार्यालयअगाडिबाट कोइरीलाई पक्राउ गरेको हो ।