रुपन्देहीमा सुनका सिक्री स्न्याचिङमा संलग्न पाँच जना पक्राउ

बुटवल । रुपन्देहीका विभिन्न स्थानमा सुनका सिक्री स्न्याचिङ (घाँटीबाट तानेर लुट्ने) घटनामा संलग्न पाँच जनालाई प्रहरीले चोरी गरिएका सुनका सिक्रीसहित पक्राउ गरेको छ। जिल्ला प्रहरी कार्यालय रुपन्देही तथा मातहतका प्रहरी कार्यालयहरूको संयुक्त अनुसन्धानका क्रममा उनीहरूलाई पक्राउ गरिएको प्रहरीले जनाएको छ।

प्रहरीका अनुसार बुधबार गैडहवा गाउँपालिका–६ स्थित सूर्यपुरा हाटबजारमा भिडभाडको मौका छोपेर एक महिलाको घाँटीबाट गणेश भगवानको लकेटसहितको सुनको सिक्री तानेर भाग्ने क्रममा बाराको बारागढी गाउँपालिका–३ शिवपुराका २५ वर्षीय विकास राय पक्राउ परेका हुन्। उनलाई इलाका प्रहरी कार्यालय सूर्यपुराको टोलीले नियन्त्रणमा लिएको हो।