राति कान्ति लोकपथमा सवारी सञ्चालन बन्द

वर्षायामसँगै मनसुन सक्रिय भई विपद्को जोखिम बढेपछि कान्ति लोकपथमा रातिको समयमा सवारी आवागमन अस्थायी रूपमा बन्द गरिएको छ।

जिल्ला प्रशासन कार्यालय ललितपुरले सूचना जारी गर्दै कान्ति लोकपथ हुँदै मकवानपुर–सिन्धुली आवतजावत गर्ने सार्वजनिक, निजी तथा यात्रुवाहक सवारीसाधनलाई अर्को सूचना प्रकाशित नभएसम्म हरेक दिन साँझ ५ बजेदेखि बिहान ५ बजेसम्म सञ्चालन गर्न रोक लगाएको जनाएको छ।