हेडक्वार्टरलाई गुमराहमा राखेर एआईजी सरूवा, केही दिन डा. मनोज केसी निमित्त आईजी बन्द‌ै

काठमाडौँ । मन्त्रिपरिषद् बैठकले बिहीबार नेपाल प्रहरीका आठ एआईजीको सरुवा गरेपछि प्रहरी हेडक्वार्टरको माहाेल केही फरक देखिएको छ । सँगै एउटा प्रश्न पनि जन्मेकाे छ- कतै सरकार अब प्रहरी सङ्गठनलाई ‘गिजाेल्न’ त खोजिरहेको छैन ?

‘प्रहरी हेडक्वार्टर’, अर्थात् आईजीपी सचिवालय एक किसिमले को एआईजीलाई कहाँ राख्ने भन्नेबारे मानसिक तयारीमा थियो । यद्यपि उक्त दर्जाको सरुवा-बढुवामा प्रहरी सङ्गठन आफैले निर्णय लिन सक्दैन । यदि सरकारले सोध्यो वा सिफारिस मगायो भने दिनेसम्मको काम गर्न सक्छ । यस अगाडिका सरुवाहरु मन्त्रिपरिषद् या मन्त्रालयले नै गर्ने भए पनि प्रहरी हेडक्वार्टरसँग सरोकार राख्ने गरिएको थियो । बिहीबार भएको एआईजी सरुवामा त्यस्तो भएन ।