पहिरोमा परेर चीनतर्फ २१ जनाको मृत्यु, ५४१ जना अझै बेपत्ता

नेपाल-चीन सीमास्थित गेइरोङ बन्दरगाहमा गत साता बुधबार गएको पहिरोमा परी चीनतर्फ २१ जनाको मृत्यु भएको पुष्टि भएको छ। ५४१ जना अझै बेपत्ता रहेको चिनियाँ अधिकारीहरूले बताएका छन्।

उच्च पहाडी क्षेत्रमा हिमनदी भत्किएपछि आएको चट्टान र हिमपहिरोलाई पहिरोको मुख्य कारण मानिएको छ। घटनाको एक साता पुग्दा पनि उद्धार तथा खोजी कार्य जारी छ। चीनले दुई हजार तीन सयभन्दा बढी उद्धारकर्मी, चार सयभन्दा बढी उद्धार सवारीसाधन, आठ हजारभन्दा बढी उपकरण, आठ सयभन्दा बढी ड्रोन उडान र २४ हेलिकोप्टर उडान परिचालन गरेको छ।