विपद् नक्शामा टाढा हुन सक्छ, संवेदनामा होइन

म अहिले दिल्लीमा छु, नेपालको हालैको बाढी (हिमबाढी) बाट प्रभावित क्षेत्रभन्दा करिब ७५० किलोमिटर टाढा। भौतिक रूपमा घटनास्थलबाट टाढा भए पनि मेरो मन भने निरन्तर रसुवा र त्रिशूली क्षेत्रतिर तानिइरहेको छ।

सन् २०२३ मा मैले रसुवा जिल्लामा इन्जिनियरका रूपमा काम गरेको थिएँ। त्यसैले समाचारमा आइरहेका नदी, सडक, गाउँ र जलविद्युत् परियोजना मेरा लागि नक्शाका अपरिचित नाम वा टेलिभिजनमा देखिने दृश्य मात्र होइनन् ती ठाउँसँग मेरा सहकर्मी, त्यहाँका कामदार, स्थानीय समुदाय, व्यक्तिगत सम्झना र मेरो व्यावसायिक जीवनको एउटा महत्वपूर्ण अध्याय जोडिएको छ।