मिनी ट्रक दुर्घटनामा चालक घाइते, सहचालक बेपत्ता

हेटौँडा–काठमाडौँ सडकखण्डअन्तर्गत मकवानपुरको इन्द्रसरोवर गाउँपालिका–२, बतासेडाँडामा मिनी ट्रक दुर्घटना हुँदा चालक घाइते भएका छन् भने सहचालक बेपत्ता भएका छन्।

बिहीबार बिहान करिब ६ बजे खाद्यान्न बोकेर हेटौँडाबाट दक्षिणकाली हुँदै काठमाडौँतर्फ जाँदै गरेको प्र.०३–०१–००३ क ५६०५ नम्बरको मिनी ट्रक सडकबाट करिब एक सय मिटर तल खसेर दुर्घटना भएको हो।