एम्बाप्पेको ह्याट्रिकसँगै रियलको सानदार जित

स्टार स्ट्राइकर किलियन एम्बाप्पेको सानदार ह्याट्रिकको मद्दतले रियल म्याड्रिडले ला लिगाअन्तर्गत रियल सोसिएडडमाथि सानदार जित निकालेको छ । यो जितसँगै रियल म्याड्रिडका नयाँ मुख्य प्रशिक्षक जोसे माउरिन्होले घरेलु मैदान सान्टियागो बर्नाबेउमा सुखद तथा विजयी पुनरागमन गर्नुभएको छ । माउरिन्होले आफ्नो दोस्रो कार्यकालको सुरुवातमा पहिलो खेलमा इस्पान्योललाई २-१ ले पराजित गर्नुभएको थियो भने सोसिएडडविरुद्धको यो जितले उहाँलाई थप राहत दिएको छ । दशकभन्दा बढी समयअघि क्लबलाई तीनवटा घरेलु उपाधि जिताउनुभएका माउरिन्होको बर्नाबेउमा पुनरागमन हेर्न बुधबार राती ठूलो संख्यामा दर्शकहरू रंगशालामा उपस्थित भएका थिए ।

रियल सोसिएडडले सुरुमा बलियो प्रतिरोधी प्रदर्शन गर्दै म्याड्रिडका लागि खेललाई कठिन बनाउने प्रयास गरेको थियो । तर, पहिलो हाफ सकिन ५ मिनेट बाँकी रहँदा एम्बाप्पेले उत्कृष्ट पहिलो टचका साथ डिफेन्डरलाई छल्दै बललाई जाली चुमाएर रियललाई अग्रता दिलाउनुभयो । यद्यपि, त्यसको चार मिनेटमै सोसिएडडका लुका सुसिकले डिफ्लेक्टेड बलमा गोल गर्दै खेल बराबरीमा ल्याउनुभयो ।