बञ्चरेडाँडामा २१ वर्षदेखि राज्यले विश्वासघात गर्‍यो : सांसद थपलिया

काठमाडौँ । नेपाली कांग्रेसकी सांसद सिता थपलियाले काठमाडौँ उपत्यकाको फोहोर विसर्जनस्थल सिसडोल र बञ्चरेडाँडाका स्थानीय बासिन्दामाथि राज्यले विगत २१ वर्षदेखि चरम अन्याय र विश्वासघात गरिरहेको बताएकी छिन् ।

मंगलबार प्रतिनिधिसभाको बैठकमा आगामी आर्थिक वर्षको बजेटमाथिको छलफलमा भाग लिँदै सांसद थपलियाले सरकारले आफ्नै नागरिकको स्वास्थ्य र जीवनमाथि खेलबाड गरेको भन्दै सरकारको कडा आलोचना गरिन् ।