मौद्रिक नीतिको प्रभाव : सरकारले उठाउने ऋणको ब्याजदर १४% पुग्यो, ‘अव जनतालाई ऋण दिने अवस्था हुँदैन’

काठमाडौं ।बैंक दर बढाउने भनिएको मौद्रिक नीतिपछि ट्रेजरी बिल्सको ब्याजदरले रेकर्ड ब्रेक गरेको छ । नेपाल राष्ट्र बैंकले १५ अर्ब ६० करोड रुपैयाँको ट्रेजरी बिल्सको नविकरणका लागि निष्कासन गरेको बोलपत्रमा बैंकहरुले १३.९९ प्रतिशत ब्याजदरमा ट्रेजरी बिल्स किन्ने प्रस्ताव गरेपछि यस्तो रेकर्ड ब्रेक भएको हो । राष्ट्र बैंकले २८ दिनको २ अर्ब र ९१ दिनको लागि १३ अर्ब ६० करोड ट्रेजरी बिल्सका लागि बोलकबोल प्रक्रिया बढाएको थियो ।