विराटनगरमा मन्त्रीको गाडी अगाडि सुतेर विरोध प्रदर्शन, के हो विषय ?

वर्षौंदेखि जीर्ण रहेको विराटनगरको सडक मर्मतमा सरकार र महानगरले चासो नदिएको भन्दै स्थानीयवासीले बिहीबार अनौठो विरोध प्रदर्शन गरेका छन् ।

विराटनगरको पुष्पलाल चोक–तिनपैनी सडकखण्ड अन्तर्गत ल क्याम्पस अगाडि जम्मा भएका स्थानीयले कोशी प्रदेशका आन्तरिक मामिला तथा कानूनमन्त्री इन्द्रमणि पराजुलीको गाडी रोक्न सडकमै सुतेर प्रदर्शन गरेका हुन् ।