नेपालगन्जले लगायो खानेपानीमै दुई हजार रुपैयाँ कर

शुद्ध खानेपानी नागरिकको आधारभूत आवश्यकता हो। तर नेपालगन्ज उपमहानगरपालिकाले खानेपानीको धारा जडानका लागि आवश्यक वडा सिफारिसमा दुई हजार रुपैयाँ शुल्क लिने व्यवस्था गर्दा धेरै विपन्न परिवार शुद्ध खानेपानीको पहुँचबाट टाढा रहन बाध्य भएका छन्।

नेपालगन्जमा खानेपानी संस्थानको नयाँ धारा जडान गर्न वडा कार्यालयको सिफारिस अनिवार्य छ। उक्त सिफारिसका लागि उपमहानगरपालिकाले दुई हजार रुपैयाँ शुल्क लिने गरेको छ। यति मात्र होइन, खानेपानी संस्थानमा पुगेपछि नागरिकले धारा जडानका लागि प्रतिधारा आठ हजार रुपैयाँ शुल्क तिर्नुपर्छ।