‘भूगोलभन्दा गुगलको कुरा धेरै भएको बजेट, बीपीको आदर्श मान्ने स्वर्णिमले बीपीकै उद्गार बिर्सिए’

काठमाडौं । नेपाली कांग्रेसका सांसद सन्दीप रानाले अर्थमन्त्री डा. स्वर्णिम वाग्लेले बजेट निर्माण गर्दा बीपी कोइरालाको समाजवाद र ग्रामीण गरिबको मर्मलाई बिर्सिएको टिप्पणी गरेका छन् । बिहीबार प्रतिनिधि सभाको बैठकमा बजेटमाथिको सैद्धान्तिक छलफलमा भाग लिँदै उनले बजेट अव्यवहारिक र ग्रामीण जनजीवनप्रति असंवेदनशील रहेको आरोप लगाए ।

सांसद रानाले अर्थमन्त्रीले बीपी कोइरालालाई आदर्श मान्ने र सुवर्ण शमशेरको नामबाट बजेट भाषण सुरु गरे पनि व्यवहारमा त्यसको विपरीत काम गरेको बताए । ‘विकासको खाका बनाउँदा दुर्गम गाउँको झुपडीमा बस्ने नागरिकलाई ध्यानमा राख्नुपर्छ भन्ने बीपीको उद्गारलाई अर्थमन्त्रीले पूर्णतः बिर्सिनुभएको छ,’ उनले भने ।