लक्ष्मी सनराइज बैंक र आइएमएस सफ्टवेयरबीच सहकार्य, एसएमईलाई डिजिटल कर्जा पहुँच सहज हुने

काठमाडौं। लक्ष्मी सनराइज बैंक र आइएमएस सफ्टवेयर प्रा.लि. (प्राविधिक सेवा प्रदायक–टीएसपी) बीच साना तथा मझौला उद्यम (एसएमई) लक्षित डिजिटल कर्जा सेवा विस्तार गर्न सहकार्य भएको छ। नेपाल राष्ट्र बैंकको डिजिटल लेन्डिङ मार्गदर्शनअनुसार भएको यो सहकार्यले एसएमईलाई कर्जा प्रक्रिया पूर्ण रूपमा डिजिटल माध्यमबाट सरल, छरितो र पारदर्शी बनाउने अपेक्षा गरिएको छ।

सम्झौताअनुसार बैंकका एसएमई ग्राहकहरूले अब छिट्टै अनलाइन प्रणालीमार्फत कर्जाका लागि आवेदन दिन, आवश्यक कागजात पेश गर्न तथा स्वीकृति प्रक्रियासमेत डिजिटल रूपमा पूरा गर्न सक्नेछन्। यसका लागि उद्यमहरूले आफ्नो व्यवसायमा इन्टरप्राइज रिसोर्स प्लानिङ प्रणाली प्रयोग गरेको हुनुपर्नेछ भने आइएमएस सफ्टवेयरसँग आबद्ध तथा निर्धारित मापदण्ड पूरा गरेका व्यवसायहरू यस सुविधाका लागि योग्य हुनेछन्।