पोखरा-दुबई सिधा उडान नियमित हुने, टिकट बुकिङ खुला

पोखरा। पोखरा अन्तरराष्ट्रिय विमानस्थलबाट संयुक्त अरब इमिरेट्स (यूएई) को दुबईका लागि नियमित सिधा हवाई उडान सञ्चालन हुने भएको छ। आगामी असोज ७ गतेदेखि दैनिक उडान सुरु गर्ने तयारीसँगै वायुसेवा कम्पनी फ्लाई दुबईले टिकट बुकिङसमेत खुला गरेको छ।

पोखरा विमानस्थल सञ्चालनमा आएको तीन वर्षपछि पहिलो पटक नियमित अन्तरराष्ट्रिय व्यावसायिक उडान सुनिश्चित भएको हो। यसअघि चार्टर उडान तथा आकस्मिक मेडिकल उडान मात्र सीमित रूपमा सञ्चालन हुँदै आएका थिए।