कस्तो अवस्थामा टेलिकमको सिम निष्क्रिय हुन्छ ? थाहा पाइराख्नुहोस् काम लाग्छ

काठमाडौं । सामान्यतया टेलिकमको प्रिपेड सिमकार्ड खरिद गरेपछि सक्रिय गरेको १८० दिनसम्म प्रयोग गर्न सकिन्छ । त्यसपछि भने रिचार्ज गरेअनुसार सिमकार्डको अवधि थपिँदै जान्छ ।

उदाहरणको लागि ५० रुपैयाँ टपअप गर्दा ३० दिन, १०० रुपैयाँको रिचार्जमा ६० दिन, ५०० को रिचार्जमा एक वर्ष र एक हजारको रिचार्जमा दुई वर्षका लागि सिम प्रयोग गर्न सकिने अवधि थपिन्छ । यदि तपाईंको सिममा न्यूनतम रकम अर्थात् एक पैसा पनि बाँकी छैन वा सिम प्रयोग गर्ने अवधि समाप्त भएको छ भने सेवा एकतर्फी हुनपुग्छ ।