कोरोनाबारे गलत समाचार फैलाउनेको एकाउन्ट ट्वीटरले स्थायीरुपमा बन्द गर्ने

१८ फागुन, काठमाडौं । सामाजिक सञ्जाल ट्वीटरले कोरोना भाइरस (कोभिड–१९) को विषयमा गलत समाचार फैलाउने प्रयोगकर्ताको एकाउन्ट स्थायीरुपमा नै बन्द गर्ने भएको छ । ट्वीटरले कोरोना खोपबारे पनि भ्रामक सूचना प्रसारण गर्ने मानिसहरुको खाता पनि स्थायीरुपमा बन्द गराउने भएको छ । ट्वीटरले सोमबार सार्वजनिक गरेको नयाँ प्रणालीअनुसार पाँचपटकसम्म यस्तो पोस्ट गरेको अवस्थामा त्यस्ता प्रयोगकर्ताको खाता स्थायीरुपमा बन्द गरिनेछ ।

ट्वीटरले नयाँ प्रणालीले निरन्तररुपमा मानिसहरुलाई कम्पनीको नियमको बारेमा जानकारी दिने र आगामी दिनमा यस किसिमका भ्रामक पोस्टहरु निरन्तर कम हुँदै जाने विश्वास व्यक्त गरेको छ । ट्वीटरले आगामी दिनमा भ्रामक किसिमको पोस्ट गर्ने प्रयोगकर्तालाई सूचित गर्नेछ ।