प्रदेशमा अविश्वासको प्रस्ताव दर्ताको होडबारे मन्त्री सोनल भन्छन्, ‘सरकार ढाल्न हतार गरेर खेल बिगारे’

वीरगंज: प्रदेश २ का भौतिक पूर्वाधार विकासमन्त्री जितेन्द्र सोनलले नेपाल कम्युनिस्ट पार्टी (नेकपा) को प्रचण्ड-नेपाल समूहले आफ्नै पार्टीको सरकार ढाल्न हतार गरेको विश्लेषण गरेका छन्। सोनलले हचुवाको भरमा केही प्रदेशमा अविश्वासको प्रस्ताव दर्ता गराएको पनि विश्लेषण गरेका छन्।

उनले भने, ‘सरकार ढाल्न अविश्वासको प्रस्ताव दर्ता गरेर मात्रै हुँदैन, संसद्भित्र विश्वासको मत लिन समस्या हुने स्थिति छ।’