‘देशको राजधानी काठमाडौँबाट सरेर चितवन गएको जस्तो देखियो’

काठमाडौँ । नेपाली कांग्रेसका सांसद पदमबहादुर परियारले एक सातायता काठमाडौँमा सरकारको उपस्थिति नदेखिएको भन्दै आपत्ति जनाएका छन् । राष्ट्रिय सभाको शुक्रबारको बैठकमा बोल्दै उनले यस्तो आपत्ति जनाएका हुन् ।

सांसद परियारले देशको राजधानी काठमाडौँबाट चितवन सरेजस्तो अनुभूति भएको टिप्पणी गरे । असार ७ गतेदेखि सत्तारुढ दल राष्ट्रिय स्वतन्त्र पार्टी (रास्वपा) को प्रथम महाधिवेशन चितवनमा जारी रहेको प्रसङ्ग जोड्दै उनले रास्वपा महाधिवेशनका कारण सङ्घीय संसद र सरकारका कामकारबाही समेत प्रभावित हुन पुगेको बताए ।