‘ग्लोबल कन्ज्युमर एक्स्पो २०२६’ शुक्रबारदेखि भृकुटीमण्डपमा

‘ग्लोबल कन्ज्युमर एक्स्पो २०२६’ को दोस्रो संस्करण भोलि शुक्रबार (जेठ २९ गते)देखि असार २ गतेसम्म काठमाडौंको भृकुटीमण्डपमा सञ्चालन हुने भएको छ । आयोजक इभेन्ट सोलुसन प्रालिले बिहीबार प्रेस विज्ञप्तिमार्फत एक्स्पोको औपचारिक घोषणा गरेको हो ।

‘सपिङको नयाँ ठेगाना’ नारासहित आयोजना हुने पाँचदिने व्यापार मेलामा स्वदेशी तथा अन्तर्राष्ट्रिय ब्रान्ड, नवप्रवर्तनशील उद्यम र उपभोक्तालाई एउटै मञ्चमा ल्याउने लक्ष्य राखिएको आयोजकले जनाएको छ । एक्स्पोमा १५० भन्दा बढी प्रदर्शक सहभागी हुनेछन् भने ३५ हजारभन्दा बढी आगन्तुकको उपस्थिति रहने अनुमान गरिएको छ ।