सुदूरपश्चिममा बाढीको जोखिम: महाकालीमा पानीको बहाव बढेपछि शारदा ब्यारेज बन्द

सुदूरपश्चिम प्रदेशका पहाडी भेग र तराईका जिल्लाहरूमा निरन्तरको वर्षासँगै आकस्मिक बाढीको जोखिम बढेपछि जल विज्ञान तथा जलस्रोत अनुसन्धान केन्द्रको बाढी पूर्वानुमान महाशाखाले सतर्कता अपनाउन आग्रह गरेको छ।

महाशाखाले बिहीबार एक सूचना जारी गर्दै कञ्चनपुर, कैलालीलगायतका जिल्ला हुँदै बग्ने साना नदी तथा खोलाहरूमा पानीको बहाव उल्लेख्य रूपमा बढ्ने भन्दै आकस्मिक बाढीको मध्यम जोखिम रहेको जनाएको छ।