‘तिनीहरू’ को कथा होइन, ‘हामी’को नजरमाथि प्रश्न

हामी असन्तुष्टिमै बाँचिरहेका छौँ। यो भएन, त्यो पुगेन, यो छैन, त्यो भएन—हाम्रो गुनासोको सूची कहिल्यै सकिँदैन। तर, एकपटक त्यसभन्दा पर गएर सोचौँ त, जो व्यक्ति, परिवार वा समुदाय आफैँ ‘मान्छे’ भएर बाँच्न पाउने अधिकारका लागि संघर्ष गरिरहेको छ, उसको अवस्था कस्तो होला?

समाजले महिला र पुरुषका लागि बनाइदिएको साँघुरो परिभाषामा नअटाउने मानिसलाई हामीले के गर्‍यौँ? उसलाई आफ्नै ठाउँमा परायो बनायौँ। आफ्नै पहिचानका लागि लड्न बाध्य बनायौँ। समाजले नदिएको ठाउँ आफैँ बनाउनुपर्ने भयो। नागरिक भएर पनि अनागरिकजस्तो जीवन भोग्नुपर्ने भयो। अनि हामी सहजै भनिदिन्छौँ—‘ए, तिनीहरू।’