रामहरि श्रेष्ठ हत्या प्रकरण: माओवादीका तत्कालिन ब्रिगेडियर कमान्डर बटालालाई जन्मकैद

सर्वोच्च अदालतले कोटेश्वरका व्यापारी रामहरि श्रेष्ठको हत्या आरोपमा तत्कालीन माओवादी सेनाका ब्रिगेडियर कमान्डर गोविन्दबहादुर बटालालाई जन्म कैदको सजाय तोकेको छ । गोविन्दबहादुर बटालाको ज्यान मुद्दामा बिहीबार न्यायाधीशहरू नहकुल सुवेदी, अव्दुल अजीज मुसलमान र शान्तिसिंह थापाको पूर्ण इजलासले जन्म कैदको सजाय हुने ठहर गरेको हो । मुलुकी ऐन अवं १८८ नं बमोजिम बटालालाई १० वर्ष सजाय तोकिएको छ ।

अर्का प्रतिवादी ड्राइभर संकल्प भन्ने अर्जुन कार्कीलाई भने सफाइ दिएको छ । बटाला र अर्जुनलाई सफाइ दिने २०७६ फागुन १८ गते सर्वोच्च अदालतको फैसलामाथि पुनरवलोकनका लागि अनुमति दिएको थियो । न्यायाधीशहरू दीपककुमार कार्की, ईश्वरप्रसाद खतिवडा र मनोजकुमार शर्माको पूर्ण इजलासले २०७७ असोज १५ गते पुनरावलोकनका लागि अनुमति दिएको हो ।