बाढी प्रभावित क्षेत्रमा अनधिकृत ड्रोन नउडाउन गृह मन्त्रालयको आग्रह

गृह मन्त्रालयले बाढी प्रभावित क्षेत्रमा साना तथा अनधिकृत ड्रोन उडान नगर्न सर्वसाधारणलाई आग्रह गरेको छ।

उद्धार तथा राहत कार्यलाई सुरक्षित र व्यवस्थित बनाउन मन्त्रालयले त्यस्ता क्षेत्रमा ड्रोन उडानमा कडाइ गरेको हो। मन्त्रालयका अनुसार राहत सामग्री ढुवानी तथा शव स्थानान्तरणका लागि प्रयोग हुने १०० किलोग्रामसम्म भारवहन क्षमता भएका आधिकारिक ड्रोनलाई भने आवश्यक अनुमति दिएर उडान गर्न सकिनेछ।