ज्याला गुम्ने डरले सुत्केरीपछिको जाँच नै छाड्दै सुकुम्बासी महिला

काठमाडौं उपत्यकाका सहरी सुकुम्वासी बस्तीमा बसोबास गर्ने महिलामध्ये अधिकांशले गर्भावस्थाको प्रारम्भिक स्वास्थ्य सेवा लिए पनि मातृ स्वास्थ्य सेवा लिनेको संख्या न्यून रहेको छ।

त्रिभुवन विश्वविद्यालय जनसङ्ख्या अध्ययन केन्द्रीय विभाग (सिडिपिएस) ले हालै गरेको एक अध्ययन अनुसार ९२.२ प्रतिशत महिलाले कम्तीमा एक पटक गर्भ पूर्व जाँच (एएनसी) सेवा लिएका थिए।