गण्डकीको बजेट राजनीति : मन्दिरमा छरपस्ट, व्यक्तिको घर संरक्षणमा पनि

१९ असार, पोखरा । ‘भुसाल चोक, सुरेन्द्र भुसालको घर संरक्षण बिहादी-४ पर्वत’ का लागि ५ लाख रुपैयाँ विनियोजन गरिएको सरकारले सार्वजनिक गरेको वार्षिक विकास कार्यक्रममा उल्लेख छ । अघिल्लो वर्ष वस्ती संरक्षण शीर्षकमा रकम आएकोमा यसपटक व्यक्तिकै घर संरक्षणका नाममा ५ लाख रुपैयाँ विनियोजन भएको हो ।

भू तथा जलाधार व्यवस्थापन कार्यालय, पर्वतले कार्यान्वयन गर्ने गरी व्यक्तिको घर संरक्षणमा बजेट हालिएको छ ।