मुस्ताङमा तीन श्रमजीवी स्रष्टा सम्मानित

मुस्ताङको घरपझोङ गाउँपालिकामा आयोजित ‘घरपझोङ काव्ययात्रा–२०८३’ अन्तर्गत परम्परागत सीप र श्रमलाई जोगाइरहेका तीन स्थानीय व्यक्तित्व सम्मानित भएका छन्।

जोमसोममा आयोजित कार्यक्रममा आरन व्यवसायलाई करिब ६ दशकदेखि निरन्तरता दिँदै आएका चिमाङका साइला विक, चार दशकभन्दा बढी समयदेखि सिलाइ–कटाइमा सक्रिय कुमारी नेपाली र पाँच दशकदेखि काष्ठकलामा समर्पित स्याङका मनप्रसाद विकलाई जनही १० हजार रुपैयाँ नगदसहित सम्मान गरिएको हो।